ОТДЕЛЕНИЯ

Caspian İnternational Hospital Ümumi Cərrahiyyə Şöbəmizdə müasir tibb dünyasında qəbul və tətbiq edilən bütün üsullar xəstələrimizin xidmətinə təqdim edilir. Ümumi cərrahiyyə şöbəsi poliklinika və stasionar olmaqla iki hissəyə ayrılır. Təcili yardıma müraciət edən və cərrahi əməliyyata ehtiyacı olan xəstələrimizə 24 saat xidmət göstəririk.

Ümumi Cərrahiyyə şöbəmizin mütəxəssis həkimləri müraciət edən bütün xəstələrin ətraflı tibbi sorğu və müayinəsindən sonra lazımı əməəliyyat planını hazırlayıb həyata keçirilər.

Şöbəmizdə aşağıdakı xəstəliklərin müayinə və müalicəsi həyata keçirilir.

Yuxarı qastrointestinal sistem

• QİST (qatsrointestinal stromal şiş)

• Hiatal hernia (Mədə yırtığı)

• Mədə xərçəngi

• Mədə və onikibarmaq bağırsaq yırtığı

• Qastrit

• Mədə polipləri

• Mədə və qida borusu qanaxmaları

• Qida borusu xərçəngi

Aşağı qatsrointestinal sistem

• Yoğun bağırsaq polipləri

• Yoğun bağırsaq xərçəngi

• Düz bağırsaq xərçəngi

• Apendisit

• Kron xəstəliyi

• Xoralı kolit

• Divertikullar

• Nazik bağırsaq xərçəngi

• Merkel divertikulu

• Rektal prolaps

Anal nahiyyə xəstəlikləri

• Fissura

• Fistula

• Hemorroy

• Abses

Qaraciyər və öd kisəsi

• Kəskin və xroniki pankreatit

• Sarılıq (öd yollarının mexaniki obturasiyası)

• Pankreas xərçəngi

• Öd kisəsi daşları, iltihabı, polipləri

Laporoskopik cərrahiyyə

Endokrin cərrahiyyəsi

Süd vəzi cərrahiyyəsi

Urologiya — sidik-ifrazat sistemi və kişi cinsiyyət sisteminin patologiyaları ilə məşğul olan tibb sahəsidir. Burada böyrəklər, sidik axarları, sidik kisəsi, sidik kanalı, prostat vəzi, toxum daşıyıcı axacaqlar, xayalar ilə bağlı itənilən patologiyalrın diaqnostika və müalicəsi aparılır.

Caspian İnternational Hospital Urologiya şöbəsində xəstəni dinləyən, maarifləndirən və vəziyyətə uyğun çıxış yolları hasil edən mütəxəssis həkimlərimiz xəstənin şəxsi vəziyyətini də diqqətə alaraq müvafiq individual müalicə xidməti təqdim edirlər. Şöbəmizdə hər cür uroloji xəstəliyin diaqnostika və müalicəsini təmin edə biləcək mütəxəssis həkimlərimiz fəaliyyət göstərir.

Klinikamızda böyrək, sidik axarları, sidik kisəsi və prostt vəzi xəstəlikləri, sonsuzluq kimi uroloji əməliyyatlar uğurla həyata keçirilir. Urulogiya ilə yanaşı urologiyanın dar ixtisaslaşmış sahələrində də əhatəli xidmət göstərmək üçün kifayət qədər bilik və təcrübəyə malik tibbi kadrımız mövcuddur.

Urologiyanın xidmət göstərdiyimiz dar sahələri:

• Uşaq urologiyası

• Rekonstruktiv urologiya

• Uroloji onkologiya

• Uroginekologiya

• Neyrourologiya

• Endourologiya

• Robot urologiya

• Andrologiya (Cinsi fəaliyyət pozulmalarının diaqnostika və müalicəsi)

Xəstəlik əlamətləri:

• Bel ağrıları

• Bulanıq sidik

• Haçalanmış sidik ifrazı

• Çox su içmə

• Gecə sidik ifrazı

• Göz qapaqlarında şişkinlik

• Sidik qaçırma (urinar inkontinans)

• Yandırıcı sidik ifrazı

• Sidikdə qan (Hematuriya)

• Prostat əlamətləri

• Tezləşmiş sidik ifrazı

Xəstəlik və müalicəsi:

• Sidik yolları daş xəstəlikləri

• Adisson xəstəliyi

• Böyrək xərçəngi

• Böyrək daşı xəstəliyi

• Cinsi istəksizlik

• Epididimit

• Kişilərdə sonsuzluq (infertilite) səbəbləri

• İmpotensiya

• Sidik yolları infeksiyası

• Sidik qaçırma və müalicəsi

• Prostatın hiperplaziyası

• Uretrit

• Varikosele

Travmatologiya və ortopediya sümük, əzələ, qığırdaq, vətər, bir sözlə “dayaq-hərəkət sistemi” adlandırdığımız sistemi təşkil edən bütün toxumaların xəstəliklərinin diaqnostika və müalicəsi ilə məşğul olan tibb sahəsidir. Bu xəstəliklər anadangəlmə ola bildiyi kimi, sonradan yaranan, yəni qazanılma da ola bilir. Ortopediya bölməsi travma olmadan və ya travmadan illər sonra yaranan xəstəliklərlə, travmatologiya bölməsi isə travma sonrası yaranan sınıq və bağ zədələnmələri kimi xəstəliklərin dianqostika və müalicəsi ilə məşğuldur.

Caspian İnternational Hospital Travmatologiya və Ortopediya şöbəmizdə aşağıdakı patologiyaların müalicəsi uğurla həyata keçirilir:

• Sınıqların müalicəsi və izlənməsi

• Kəskin yumşaq toxuma tarvmaları(vətər qırılmaları, dəri və əzələ toxumas zədələnmələri)

• İdman zədələnmələri və sınıqlar

• Qığırdaq zədələnmələri

• Bağ qırılmaları

• Artroskopik meniskektomiya

• Artroskopik menisk bərpası

• Artroskopik rekonstruksion əməliyyatlar(bağ zədələnmələri)

• Ayaq və topuq nahiyyəsinin degenerativ xəstəlikləri

• Çiyin və dirsək oynağının artrozları

• Təkrarlanan çıxıqlar

• Gonartroz

• Koksartroz

• Yastıpəncəlik

• Eksternal fiksatorlarla anadangəlmə əlilliklər, qol və ayaq qısalığı

Caspian İnternational Hospital Göz xəstəlikləri Şöbəmiz göz xəstəlikləri və görmə pozulmalarının müalicəsində dünyadakı son yeniliklərə paralel olaraq zəngin texniki baza və təchizatla xidmət göstərir.

Göz xəstəlikləri şöbəmizdə excimer laser və lasik ilə miopiya, astiqmatizm, hipermetropiya kimi patologiyaların müalicəsi həyata keçirilir. Fakoemulsifikasiya (FAKO) cihazı ilə də katarakta müalicəsi aparılır.

Caspian İnternational Hospital Göz xəstəlikləri Şöbəmizdə aşağıdakı əməliyyatlar icra olunur:

• Katarakt (mirvari suyu) cərrahiyyəsi

• Çəpgözlüyün diaqnostikası və müalicəsi

• Okuloplastika, orbita xəstəliklərinin diaqnostikası

• Okuloplastika sahəsində əməliyyatlar:

  1. DSR (Dakriosistorinostomiya)

  2. Probing

• Göz qapağı patalogiyalarının cərrahiyyəsi (ektropion, entropion, xalazion, blefaroplastika, üst və alt qapağın xoşxassəli və bədxassəli şişlərinin əməliyyatı, rekonstruksiyası, oriblefaron, epiblefaron, trikiyazis, tarsorafi)

• Ptozis (göz qapağı enməsi) cərrahiyyəsi:

  1. Travma sonrası göz qapaqlarının rekonstruksiyası

  2. Estetik və müalicə məqsədi ilə botoks inyeksiyası

  3. Tiroid orbitopatiyalı xəstələrin diaqnostikası və müalicəsi

  4. Orbitanın iltihabi xəstəliklərinin diaqnostikası və cərrahiyyəsi

Caspian İnternational Hospital Qulaq Burun Boğaz Şöbəmizdə eşitmə və nitq, burun və sinus, müvazinət pozulması, boğaz xəstəliklərinin diaqnostika və müalicəsi ilə yanaşı bu nahiyədəki şişlərin cərrahiyyəsi həyata keçirilir.

Mərkəzimizdə burun və sinus xəstəlikləri ən çox müalicə etdiyimiz xəstəliklər arasında xüsusi yer tutur. Xəstələrimiz endoskopiya, KT(kompüter tomoqrafiya) və allergiya testləri də daxil olmaqla bir çox kliniki və radioloji müayinələrdən keçirilir və nəticələrə müvafiq tibbi və/ və ya cərrahi müalicə planı seçilir. Burun və sinus əməliyyatları ilə yanaşı bir sıra xoruldama və yuxu apnoesi problemlərinin də cərrahi müalicəsi həyata keçirilir.

Klinikamızda eşitmə və nitq problemlərinin də diaqnostika və müalicəsi həyata keçirilir. Belə ki səs telləri ilə bağlı cərrahi müdaxilələr vasitəsilə bir çox nitq pozulmalarını aradan qaldırmaq mümkündür. Bundan başqa vertigo başda olmaqla daxili qulağa bağlı müvazinət pozulmalarının, həmçinin laringit, faringit, badamcıqların iltihabı kimi xəstəliklərin müayinə və müalicəsini də həyata keçirilir.

Xəstəlik əlamətləri:

• Başgicəllənmə

• Boğaz ağrısı

• Burun tıxanıqlığı

• Burun və burun arxası axıntıs

• Eşitmə zəifliyi

• Qulaq ağrısı

• Qulaqlarda küy

• Səsin batması

Audiologiya eşitmə və müvazinət sisteminin qiymətləndirilməsi ilə məşğul olan tibb sahəsidir. Bu qiymətləndirmənin kliniki və ya təcrübi şəraitlərdə həyata keçirilməsi üçün lazımi metodların, texnikaların inkişaf etdirilməsi, tətbiqi və nəticələrinin qiymətləndirilməsi, eşitmənin itməsi və müvazinət problemlərində müvafiq müalicə metodlarının (eşitmə cihazı/koxlear implant/eşitmə ilə bağlı maarifləndirmə/vestibulyar reabilitasiya)tətbiqi, eşitmənin qorunması və erkən müdaxilə proqramlarının (yenidoğulmuşların eşitmə qabiliyyətinin müayinəsi, şiddətli səs-küydən qorunma proqramları) hazırlanması və tətbiqi audiologiyanın fəaliyyət sahəsini təşkil edir. Audiologiya üzrə mütəxəssis audioloq olaraq adlandırılır.

Caspian İnternational Hospital Audiologiya Mərkəzində eşitmə və müvazinət problemli xəstələrin savadlı kadrlarımız tərəfindən ətraflı müayinəsi və müalicəsi həyata keçirilir. Audioloqlarımızın fəaliyyətlərinə aşağıdakılar daxildir:

• Eşitmə və müvazinət problemi olan xəstələrin mütəxəssis həimlərin yönləndirməsi ilə diaqnostik testərdən keçirilməsi və reabilitasiyası, istifadə olunacaq cihazların müəyyənləşdirilməsi, seçimi və proqramlaşdırılması

• Eşitmə sağlamlığının qorunması və eşitmənin itməsinin qarşısının alınmasına yönəlmiş maarifləndirmə işi

• Səs-küyün ölçülməsi ilə eşitmənin qorunması haqqında lazımi məsləhətlərin verilməsi

• Cərrahi müdaxilə zamanı cərrahın ehtiyac duyduğu hallarda eşitmə və müvazinətlə bağlı sinir monitorizasiyasının həyata keçirilməsi

• İmplantların əməliyyat zamanı və əməliyyat sonrası proqramlaşdırılması

• Eşitmə reabilitasiyası

Neyrocərrahiyyə baş beyin, onurğa beyni, sinirlər və bu sistemə bağlı törəmələrin cərrahi (əməliyyat tələb edən) xəstəlikləri ilə məşğul olan tibb sahəsidir.

Caspian İnternational Hospital neyrocərrahiyyə şöbəsi baş və onurğa beyin xəstəliklərinin diaqnostika və müalicəsi ilə bağlı hərtərəfli xidmət göstərməkdədir.

Beyin cərrahiyyəsi əməliyyatları navigasion, stereotaksik, mikrocərrahi, endoskopik, mikroelektrod qeyd, Maqnit rezonans tomoqrafiya, digital serebral angioqrafiya (DSA) kimi texniki imkanlar və minimal invaziv metodlar tətbiq edilərək gerçəkləşdirilir.

Şöbəmizdə beyin cərrahiyyəsi xidməti günün hər saatında təmin edilir və bütün imkanlar, təcili şərtlərdə belə, əksiksiz olaraq xəstələrimizə təqdim olunur.

Əməliyyatdan əvvəl və əməliyyat sonrası bütün prosedurlar, dəstək xidmətləri və xəstəyə nəzarət bu sahədə xüsusi təhsil almış heyət tərəfindən həyata keçirilir. Əməliyyatdan əvvəl sistem, nevroloji və radioloji müayinə metodlarının zənginliyi və əməliyyat sonrası təkmilləşdirilmiş xüsusi qulluq bölmələri göstərdiyimiz xidmətin keyfiyyətini artıran digər vacib ünsürlərdir.

Komandamız hər xəstəyə individual yanaşır və onun xəstəliyə qədərki durumunda evinə və işinə qayıtması üçün əlindən gələni əsirgəmir.

Neyrocərrahiyyə şöbəmizdə:

• Beyin şişlərinin stereotaksik və mikrocərrahi müalicəsi

• Beyin damar xəstəliklərinin və qanaxmalarının müalicəsi

• Hərəkət pozulmaları

• Parkinson xəstəliyinin cərrahiyyəsi

• Epilepsiya cərahiyyəsi

• Travma cərrahiyyəsi

• Hipofiz cərrahiyyəsi

• Hidrosefaliya əməliyyatları başda olmaqla beynin bütün cərrahi əməliyyatları

• Onurğa beyni xəstəliklərinin diaqnostika və müalicəsi üzrə xidmətlər həyata keçirilir

Xəstəlik əlamətləri:

• Ayaqlarda boşalma hissi

• Baş ağrıları

• Başgicəllənmə

• Bayılma(sinkopa)

• Bel ağrısı

• Boyun ağrısı

• İkigörmə

• Müvazinətin pozulması və ya itməsi

• Əldə və qolda hissiyyatın pozulması və ya keyləşmə

• Tranzitor işemik atak əlamətləri

• Qollarda gücsüzlük

• Nitqin pozulması

• Yaddaş pozulması

Xəstəliklər və müalicəsi:

• Alzheimer xəstəliyi

• Bayılmanın müalicəsi

• Beyin damarlarının anevrizması

• Kəllədaxili və beyindaxili qansızmalar

• Beyin və onurğa beyni şişləri(neyroonkologiya)

• Epilepsiya

• Funksional neyrocərrahiyyə və stereotaksis

• Hipofiz əməliyyatları

• İnsult (iflic)

• Normatenziv hidrosefaliya

• Hidrosefaliya əməliyyatları

• Neyrovaskulyar xəstəliklər

• Parkinson xəstəliyi

• Pediatrik neyrocərrahiyyə

• Spinal və periferik sinir cərrahiyyəsi

• Sinir sisteminin anadangəlmə inkişaf qüsurları

• Kəllə travmaları

• Kraniostenoz əməliyyatları

• Onurğa sütunu xəstəliklərinin cərrahiyyəsi

Faydalı məlumatlar:

• Yaşlılarda travma

• Kəllə travmaları

• Endoskopik yırtıq əməliyyatı

• Alzheimer ilə yaşam

• Parkinson xəstəliyi “beyin batareyası”

• İflic və insult nədir

• EMG nədi? EMG müayinəsindən əvvəl nələrə diqqət etmək lazımdır

• Epilepsiya nədir?

Periferik damar xəstəliyi, ürək və beyindən kənar bütün qan damarlarının xəstəliklərini əhatə edir.Bunlara arteriyaların və venaların patologiyaları aiddir. Arterial patologiyaların risk faktorlarına əsasən ateroskleroz, həmçinin şəkərli diabet, dislipidemiya (yağ mübadiləsinin pozulması), siqaret və s. daxildir. Daha çox aşağı ətraflarda müşahidə olunan damar xəstəlikləri yeriş, qaçış, pilləkənlə qalxma zamanı ayaqlarda ağrı, keyləşmə, zəiflik, şişkinlik, qıcolmalar kimi şikayətlərlə özünü biruzə verir. Venoz patologiyalara isə varikoz genişlənmə və venoz çatışmazlıq daxildir. Bu xəstəliklər olduqca geniş yayılmışdır.

Caspian İnternational Hospital Periferik Damar Cərrahiyyəsi Şöbəmizdə periferik damar xəstəliklərinin cərrahi müalicəsi uğurla həyata keçirilir. Klinikamızda aşağıdakı əməliyyatlar icra olunur:

• Periferik angioplastika

• Şuntlama

• Flebektomiya

• Skleroterapiya

• Radiofrekans

• Lazer ablasiyası

Estetik plastik və rekonstruktiv cərrahiyyə sahəsi Estetik və Rekonstruktiv (bərpaedici) cərrahiyyə olmaq üzrə 2 əsas hissəyə bölünür. Plastik cərrahiyyə estetik əməliyyatları əhatə etdiyi halda, rekonstruktiv cərrahiyyə maksilofassial (çənə və üz) cərrahiyyə, kraniofassial (baş və üz) cərrahiyyə, mikro cərrahiyyə, əl cərrahiyyəsi, travma cərrahiyyəsi, anadangəlmə malformasiyaların (qüsurların) cərrahiyyəsi, yanığın müalicəsi kimi sahələri özündə ehtiva edir.

Estetik cərrahi əməliyyatlar və müdaxilələrdə bədənin əslində normal olan orqan və hissələrinin yenidən şəkilləndirilməsi həyata keçirilir. Burada, əsas hədəf insanların özlərinə olan inamını artırmaq və ətrafdakılarla daha rahat münasibət qurmalarını asanlaşdırmaqdır.

Rekonstruktiv cərrahi əməliyyatlar və müdaxilələrdə məqsəd travma, xərçəng, infeksiya və ya anadangəlmə inkişaf qüsurları nəticəsində normal quruluşunu itirmiş orqan və toxumaların yenidən bərpası və funksiyalarının geri qaytarılmasıdır.

Bəzi əməliyyatlar isə hər iki məqsədə, həm rekonstruksiya, həm də estetik görünüşün yaxşılaşdırılmasına, xidmət edir. Məsələn, xərçəng xəstəliyi ilə bağlı çıxarılmış süd vəzinin bərpasıyla yanaşı digər süd vəzinin də görünüşcə uyğunlaşdırılması məqsədilə yuxarı qaldırılması və ya kiçildilməsi ən çox rast gəlinən nümunələrdən biridir.

Plastik və rekonstruktiv cərrahiyyədə tətbiq edilən üsullar və texniki metodlar bütün dünyada və ölkəmizdə günbəgün dəyişir və təkmilləşir. Bu yenilikləri yaxından izləyən Caspian İnternational Hospital Estetik Plastik və Rekonstruktiv Cərrahiyyə Şöbəsində əməliyyat və müdaxilələrdən əvvəl bütün seçimlərin risk və yararlarını bilmənizə çox böyük əhəmiyyət verilir.

Plastik və rekonstruktiv cərrahiyyədə hər xəstənin problemi, gözlədikləri, müalicə seçimləri, riskləri və nəticələri fərqlidir. Buna görə də şöbəmizdə xəstənin istəkləri nəzərə alınmaqla cərrahların rəhbərliyi altında individual müalicənin planlanması və tətbiqi həyata keçirilir.

Xəstəlik və müalicəsi:

• Biləkdə sinir sıxılması (Karpal tunel sindromu)

• Dəri xərçəngi

• Anadangəlmə inkişaf qüsurlarının plastik və rekonstruktiv cərrahiyyəsi

• Dodaq və damaq yırtığı

• Əl yaralanmaları, deformasiyalarının cərrahiyyəsi

• Revmatoid artritdə plastik və rekonstruktiv cərrahiyyə

Faydalı məlumatlar:

• Göz ətrafı nahiyənin plastikası

• Əl cərrahiyyəsi və əhəmiyyəti

• Qarnın gərilməsi əməliyyatı (abdominoplastika) nədir?

• Burun əməliyyatı sonrası qulluq

• Süd vəzinin kiçildilməsi əməliyyatlarının riskləri nələrdir?

• Süd vəzi böyüdülməsinin əməliyyatlarının riskləri nələrdir?

• Abdominoplastikadan əvvəl diqqət yetirilməsi vacib olan məqamlar

• Liposuction əməliyyatı haqqında məlumat

Hemorroydan başlayaraq xərçəng xəstəliyinədək bağırsaqlarda görülən bir çox xəstəliklərin müayinə və müalicəsinin həyata keçirildiyi Caspian İnternational Hospital Proktologiya şöbəsi xəstələrə diqqətli və individual yanaşma ilə xidmət göstərmək üçün yaradılmışdır.

Şöbəmizdə birdən çox ixtisas mütəxəssilərinin iştirakı ilə təşkil olunan konsiliumlar nəticəsində müasir protokollara müvafiq olaraq xüsusi müayinə və müalicə metodları qərarlaşdırırlır və tətbiq olunur. Burada proktologiya sahəsinə daxil olan müxtəlif xəstəliklərin diaqnostikasında istifadə edilən müasir avadanlıqlar mövcuddur: anorektal ultrasonoqrafiya, defekoqrafiya, anorektal manometriya və digər anorektal fizioloji testlər və s.

Fəaliyyət sahəmizə daxil olan xəstəliklər:

• Hemorroy

• Düz bağırsaq çatı

• Düz bağırsaq fistulu və absesi

• Xroniki qəbzlik

• Intestinum rektum xərçəngi

• Divertikulyar bağırsaq xəstəlikləri

• Qaz və nəcis saxlamamazlıq

• Bağırsaq bitişməsi

• İltihabi bağırsaq xəstəlikləri

• Anismus

• Rektal prolaps

• Rektosele

Uşaqlarda rast gəlinən xəstəliklər gedişinə görə böyüklərdən fərqlənir. Uşaqlar böyüklərin kiçilmiş modeli deyildir. Üstəlik uşaqlıq dövründə müşahidə olunan xəstəliklər də yaşa görə müxtəliflik göstərə bilir. Bu səbəbdən uşaqlıq dövrü daxili xəstəlikləri uşaq həkimləri tərəfindən müalicə edildiyi kimi, uşaqlarda döş qəfəsi, qarın boşluğu və sidik-ifrazat sisteminin cərrahi müalicə tələb edən bütün xəstəlikləri də ixtisaslaşmış mütəxəssslər olan uşaq cərrahları tərəfindən müayinə və müalicə edilməlidir.

Caspian İnternational Hospital Uşaq Cərrahiyyəsi şöbəsində hər növ uşaqlıq dövrü cərrahiyyə əməliyyatlarını həyata keçirə biləcək, öz sahəsində mütəxəssis olan cərrahlar fəaliyyət göstərir.

Xəstəlik əlamətləri:

• Spina bifidaya bağlı hidrosefaliya

• Uşaqlarda sidik qaçırtma

• Uşaqlarda qarın ağrısı

• Uşaqlarda qasıqda şişlik

• Uşaqlarda xayaların yerində olmaması

• Onurğanın açıqlığı

Xəstəlik və müalicəsi:

• Uşaqlarda qasıq yırtığı

• Hipospadiya (peyğəmbər sünnəti)

• Enməmiş xayalar (kriptorxizm)

• Spina bifida

• Sünnət

Faydalı məlumatlar:

• Yenidoğulmuşların sünnəti necə həyata keçirilir

• Yenidoğulmuş sünnət sonrası

• Yeniddoğulmuşların sünnət edilməsinin üstünlüyü nədir

• İkinci hamiləlikdə spina bifida riskini azaltmaq üçün nələr etmək olar

• Yenidoğulmuşların sünnət edilməsi üçün ən əlverişli vaxt nə zamandır

• Hamiləlikdə fol turşusu qəbulu və spina bifida

• Sünnət ilə bağlı faydalı məlumatlar

Caspian İnternational Hospital Torakal cərrahiyyə şöbəsində döş qəfəsi boşluğunda yerləşən (ürək istisna olmaqla) orqan və toxumaların — döş qəfəsi divarı, ağ ciyərlər, mediastinum, diafraqma, qida borusu xəstəliklərinin cərrahi müalicəsi həyata keçirilir. Bu şöbəmizə müaricəit edən xəstələr döş qəfəsi xəstəlikləri üzrə ixtisaslaşmış mütəxəssis-həkimlər, radioloqlar və onkoloqların daxil olduğu tibbi heyət tərəfindən ətraflı müayinə olunur və cərrahi patologiyalar yüksək savad və bacarığa malik torakal cərrahlarımız tərəfindən əməliyyat edilir.

Şöbəmizdə həyata keçirilən əməliyyatlara daxildir:

• Ağ ciyər rezeksiyası (xoşxassəli və bədxassəli şişlər, infeksion təbiətli xəstəliklərin törəmələrini də əhatə edəcək şəkildə wedge rezeksiyası, seqmentektomiya, lobektomiya, sleeve rezeksiyası, pnevmonektomiya)

• Vinci Robotik torakal cərrahiyyə və minimal invaziv toraks cərrahiyyəsi (VATS və ROBOTİK cərrahiyyə)

• Mediastinal törəmələrin dianostikası və cərrahi müalicəsi (ehtiyac halında neyrocərrahla birgə əməliyyat), mediastinoskopiya, mediastinotomiya

• Empiema zamanı dekortikasiya, torakoplastika və Eloesser flep əməliyyatları, Monaldi proseduru

• Kimyəvi plevrodez

• Bədxassəli mezoteliomanın diaqnostika və müalicəsi məqsədilə cərrahi müdaxilələr

• ETS əməliyyatı (endoskopik torakal simpatektomiya) əl və qoltuqaltı tərləmənin cərrahi müalicəsi

• Spontan pnevmotoraksın VATS üsulu ilə aradan qaldırılması və təkrarlanmanın əngəllənməsi

• Toraks divarı rezeksiyası və sintetik material ilə rekonstruksiyası, “çəkməçi” döş qəfəsi deffektinin MİRPE üsulu ilə bərpası, Nuss əməliyyatı

• Ürək əməliyyatı sonrası mediastinitlərin cərrahi müalicəsi (Sternal debridman və flep ilə rekonstruksiya)

• Qabırğa və sternum sınıqları zamanı xaricdən və daxildən fiksasiya

• Toraks outlet sindromunun cərrahiyyəsi

• Miastenia Gravis zamanı VATS Və robotik cərrahiyyə üsulu ilə timektomiya

• Tənəffüs yollarının cərrahiyyəsi

• Qida borusu perforasiyalarının cərrahi müalicəsi

• Fiberoptik bronxoskopiya, Rigid bronxoskopiya ilə yad cisimlərin çıxarılması

• Döş qəfəsi travmaları zamanı cərrahi müdaxilə

Caspian İnternational Hospital Yara Qulluq Mərkəzində yara və xroniki yaraya qulluqla bağlı xidmətlər müasir yanaşmalara əsasən həyata keçirilir. Burada diabetik pəncə, yataq yaraları, varikoz yaralarından başlayaraq yanıqlara qədər çox geniş sahədə patologiyaların səbəbinin aşkarlanmasına, requlyar izləməklə yaraya düzgün qulluq edilməsinə yönəlmiş xidmət göstərilir. Mərkəzimiz yüksək keyfiyyətli fəaliyyət üçün lazımı avadanlıq və vasitələrlə təchiz olunmuşdur.

Yara nədir? Yara kəsik, yanıq və ya müəyyən bir xəstəlik nəticəsində toxuma tamlığının pozulmasıdır.

Xroniki yara nədir? Diabet, damar patologiyaları zamanı və ya yataq xəstələrində bütün qulluq və müalicə tədbirlərinə baxmayaraq yaralar gözlənildiyi müddətə sağalmayır, qalıcılıq göstərir. Bu yaralara xroniki yəni sağalmayan yara adı verilir.

Yara hansı səbəbdən sağalmayır? Yaranın sağalması üçün müəyyən şərtlər vardır. Hər şeydən əvvəl həmin bölgənin qan dövranı normal olmalıdır. Əks halda yaranın sağalması üçün vacib olan oksigen, yaranın sağalmasını təmin edən hüceyrələr və maddələr yaralanmış sahəyə daxil ola bilməz və nəticədə yara sağalmaz. Yaranın sağalması qidalanmanın pozulması, diabet, steroid və ya kimyəvi terapiyada istifadə olunan preparatlar, infeksiya, lazımı qaydada aparılmayan qulluq kimi səbəblərdən də pozula bilir.

Xroniki yaralara aiddir: Diabetik pəncə, yataq yaraları.

Xroniki yaralara necə qulluq edilir.

İlk öncə belə yaraların yaranmasının qarşısını almaq vacibdir. Lazımi qulluq göstərildiyi təqdirdə bu yaraların yaranmasından qurtulmaq mümkün ola bilər. Yaranın yarandığı halda isə müalicə üçün çətin və uzun bir dövr tələb olunur.

Xroniki yaranın yaranmasının qarşısının alınmasından sonra diqqət yetirilməsi vacib olan ikinci əsas məqam yaranın yaranma səbəbinin aşkarlanması və aradan qaldırılmasıdır. Yəni qan şəkəri tənzimlənmədən diabetik ayağın, və ya yataq xəstələrində toxumalara olunan təzyiq tənzimlənmədən yataq yaralarının sağalması mümkün deyildir.

Üçüncü addım vacib davranış qaydasıdır. Qan dövranı pozulması olan xəstənin siqaret çəkməyə davam etməsi və ya diabetli bir xəstənin ayaqları və ayaqqabılarının təmizliyinə diqqət etməməsi kimi hallarda bu yaraları sağaltmaq mümkün deyildir.

Yaralara qulluq və müalicə ancaq bütün bunlardan sonra əhəmiyyət daşıyır. Halhazırda yüksək texnoloji avadanlıqları və yara qulluq vasitələri ilə mükəmməl nəticələr almaq mümkündür. Ancaq bunun üçün həkim və xəstədən lazımı səbr və diqqət tələb olunur.

Son mərhələ ni isə cərrahi müdaxilə təşkil edir. Müəyyən müddətdən bir ölü toxumaların və axıntının təmizlənməsi lazım ola bilər. Buna “debridman” deyilir. Xüsusən yataq yaralarının cərrahi metodlarla bağlanması çox tez-tez həyata keçirilir. Dəri qreftinin (yamaq) köçürülməsi də sıx aparılan əməliyyat növüdür.

Caspian İnternational Hospital Yara Qulluq Mərkəzinin tibbi komandası xəstələrə göstərilən bütün etaplar üzrə yüksək səviyyəli xidmət göstərir. Çünki, komanda olaraq əsas məqsədimiz xəstələrin sağlamlığı və komfortudur.

Psixi proseslər insan davranışının ilkin tənzimləyicisi kimi meydana çıxır. Psixi proseslərə duyğu, qavrayış, hafizə, diqqət, təfəkkür, təxəyyül, hissləri və iradəni daxil edirlər. Psixiatriya və psixologiya saydığımız hallarda baş verən pozulmaları öyrənir. Psixologiya sadə davranışları və zehni əməliyyatları / prosesləri araşdıran elm sahəsidir. Digər tərəfdən Psixiatriya tibb elminin bir alt qoludur və zehni xəstəliklərin müalicəsi ilə məşğul olur. Psixologiya ilə Psixiatriya bir-birinə qarışdırılmamalıdır. Psixologiya ümumi olaraq səbəb-nəticə əlaqələri ilə maraqlanarkən, psixiatriya bu səbəb-nəticə əlaqələrinin mənşəyi ilə maraqlanır.

Psixiatriya və psixologiya tibbin digər sahələri ilə sıx əlaqədədir. Klinikamızda hər xəstəyə fərdi yanaşılaraq baş verən hər hansı pozulma halında xəstə dərindən araşdırılır, düzgün diaqnoz və yanaşma ilə müalicə edilir.

Caspian İnternational Hospitalda aşağıdakı psixoloji halların və psixiatrik xəstəliklərin diaqnostika və müalicəsi aparılır:

• Anksiotik (həyəcan, narahatlıq) pozulmalar (panik pozulmalar, sosyal fobiya, obsessive-kompulsiv pozğunluq, kəskin stress pozğunluğu və s.)

• Depressiv pozulmalar (depressiyalar, Doğuş sonrası depressiya, maniakal-depressiv psixoz və s.)

• Psixoloji mənşəli ağrı pozulmaları

• Anoreksia nevroza, Bulimia nevroza

• Yuxu pozğunluqları

• Trixotillomaniya (saç yolma)

• Kleptomaniya

• Evlilik problemləri

• Cinsi əlaqə problemləri

• Ünsiyyət qurma çətinliyi

• Xəstəliklər nəticəsində (Xərçəng, şəkərli diabet kimi ömür boyu davam edən xəstəliklərin yaratdığı) yaranan psixoloji hallar və s.

Pulmonologiya — tibbin ağciyər və nəfəs yolu xəstəliklərinin müayinə və müalicəsi ilə məşğul olan sahəsidir. Klinikamızda pulmonoloji xəstələrin ambulator və ya stasionar şəkildə yüksək ixtisaslaşmış həkimlər tərəfindən müayinə və müalicəsi həyata keçirilir.

Caspian İnternational Hospitalda aşağıdakı pulmonoloji xəstəliklərin diaqnostika və müalicəsi aparılır:

• Bronxial astma, bronxit (kəskin, xroniki, bronxiolit)

• Xroniki obstruktiv ağciyər xəstəlikləri

• Ağciyər emfizeması

• Ağciyərin bronxoektaziya xəstəliyi

• Ağciyər absesi

• Ağciyərin kəskin və xroniki pnevmoniyası, Eozinofil pnevmoniyası, ağciyərin interstisial pnevmoniyası

• Ağciyərin sarkoidozu

• Plevritlər

• Sistem xəstəliklər zamanı ağciyər zədələnməsi

• Ağciyər infarktı

• Ağciyərin peşə xəstəlikləri

• Ekzogen allergik alveolit, fibrozlaşmış alveolit və s.

Nefrologiya — böyrək və sidik yolları xəstəliklərinin diaqnostika, müalicə və profilaktikasını öyrənir.

Caspian International Hospitalın Nefrologiya şöbəsində böyrək və sidik yolu xəstəliklərinin diaqnostika və müalicəsi yüksək peşəkarlıqla aparılır.

Şöbəmizdə aşağıdakı xəstəliklərin diaqnostika və müalicəsi uğurla gerçəkləşdirilir:

• hipertenziya

• böyrək daşları

• sidikdə protein itkisinə və sidikdə qanaxmaya səbəb olan digər böyrək xəstəlikləri

• kəskin və xroniki böyrək çatışmazlığı

• şəkər xəstəliyi ilə əlaqəli böyrək xəstəlikləri

• sidik yolu infeksiyaları

• sidiyə çıxma ilə bağlı pozulmalar

• xroniki qlomerulonefrit və polikistik böyrək xəstəlikləri və digər kistik böyrək xəstəliklərinə qədər bütün böyrək və sidik yollarını əhatə edən

Qidalanma və pəhriz — orqanizmə bütün karbohidratların (CHO), zülalların, yağların, vitamin və mineralların, hətta mayenin yetərli miqdarda vəhdət bir şəkildə qəbul edilməsidir.

Orqanizmin həyat fəaliyyəti proseslərinin gedişatında qidalanmanın  rolu çox böyükdür. Qeyri-düzgün və yalnış qidalanma insan sağlamlığına və həyat fəaliyyətinə birbaşa təsir edir. Buna görə hətta bəzi xəstəliklərin yaranmasına səbəb olur, bəzilərinin üzə çıxmasını tezləşdirir. Təsadüfi deyil ki, bir çox xəstəliklərdə müəyyən pəhriz rejiminə keçirilir. Bu müalicəvi qidalanma mütəxəssis tərəfindən aparılmalıdır. Müalicəvi qidalanma da hər bir insanın özünəməxsus həyatına,yaşına, boyuna, çəkisinə uyğun gəlməlidir.

Bütün ürək-damar xəstəliklərində piylənmə, diabet (TİP 1, TİP2, hamiləlikdə ortaya çıxan diabet), cərrahi əməliyyatlardan sonrakı vəziyyətdə, mədə-bağırsaq, öd daşı, qaraciyər xəstəliklərində, böyrək xəstələrində və digər xəstələrdə müalicəvi qidalanma çox müsbət təsir göstərir. Hər bir xəstəliklərin qarşısında ərzaq məhsullarından məsləhət gördüyümüz və istisnaları var.

Bununla bərabər piylənmədə diqqət ediləcək pəhrizlərdə bir çox vacib nöqtələr var. Bu da hər bir insanın öz boyuna, çəkisinə, yaşına, çalışdığı işinə bağlı olaraq (müəllim, həkim, tibb bacısı, katibə, usta, polis və s.) ideal ağırlıq hesablanır və alacağı kalori müəyyənləşdirilir.

Caspian İnternational Hospitalın savadlı diyetoloqları xəstələri qəbul edərək lazımi qidalanma sxemini seçir və pəhriz müddətində və sonrasında təqib edirlər. Unutmayın ki, bütün orqanizmin sağlamlığı qidalanmadan asılıdır. Düzgün qidalanma sağlam və uzun ömür yaşamağın təminatıdır.

Kardiologiya ürək damar sisteminin xəstəliklərini, onların diaqnostika, müalicə və profilaktika üsullarını öyrənən tibbin sahəsidir.

Müasir qeyri-invaziv (toxuma bütövlüyü pozulmadan və hər hansı bir infeksiyaya yoluxma riski olmadan) üsullar, eləcə də rentgenoloji və radioizotop müayinə üsulları, maqnit-rezonans tomoqrafiyası, exokardioqrafiya və ənənəvi elektrokardioqrafiya çox informativdir.

Bununla belə, bəzən xüsusi göstərişlər olarsa invaziv manipulyasiyalar — damarların və ürək boşluqlarının kateterizasiyası, angiokardioqrafiya yerinə yetirilir.

Caspian Internation Hospitalın peşəkar kardioloqları tərəfindən istənilən ürək xəstəliklərinin diaqnostika və müalicəsi aparılır.

Caspian Internation Hospitalın peşəkar kardioloqları tərəfindən istənilən ürək xəstəliklərinin diaqnostika və müalicəsi aparılır.

Klinikamızda ürək – damar sistemi xəstəliklərinin diaqnostikası üçün aşağıdakı kardioloji xidmətlər mövcuddur:

• Elektrokardioqramma (EKQ)

• Exokardioqrafiya (ExoKQ) və rəngli doppleroqrafiya

• Fiziki yük sınağı- Treadmill (stress test)

• Holter monitorinq (sutkalıq elektrokardioqramma)

• Sutkalıq qan təzyiqinin monitorinqi

Revmatologiya — revmatik iltihabi xəstəliklər və digər sümük-əzələ sistemi xəstəliklərini əhatə edən tibbin bir sahəsidir.

İmmun sistem hər növ infeksiyalar (bakteriya, virus və parazitlər) və orqanizmə daxil olan hər yad maddəyə qarşı qurulmuş qoruma mexanizmidir. Bəzi hallarda immun sistem hüceyrələrinin bir qismi öz toxuma strukturlarını tanımayaraq onlara qarşı reaksiya verir ki, bu da autoimmun xəstəliklərin inkişafına səbəb olur.

Caspian İnternational Hospitalın yüksək ixtisaslaşmış revmatoloq həkimləri revmatoloji xəstələrin istər ambulator, istərsə də stasionar müayinə və müalicəsi ilə məşğul olurlar.

Klinikamızda bütün növ revmatoloji xəstəliklər ambulator və stasionar şəkildə müalicə edilir:

• Revmatoid artrit

• Bütün növ oynaq ağrıları

• Sistem qırmızı qurdeşənəyi

• Proqressivləşən sistem skleroz (sklerodermiya)

• Polimiozit/dermatomiozit

• Şeqren sindromu

• Vaskulitlər

• Ankilozəedici spondilit (Bexterev xəstəliyi)

• Still xəstəliyi

• Podaqra və s.